Дарагія наведальнікі сайта www.folk.by.!
Я вельмі рады вітаць вас на нашай старонцы. Спадзяюся, што вы станеце сталымі наведвальнікамі нашага рэсурса.
А жыццё у стылі FOLK стане і вашым жыццём.
Гэты праект не адбыўся б, каб не нашыя бубулі і дзядулі з усіх куткоў Беларусі, якія праз стагоддзі не толькі
пранеслі родныя спевы і музыку, але зацікавілі імі нас, каб цяпер мы пераймалі гэты каштоўны скарб.
Вялікі дзякуй Алесю Ласю за музыку, якую ён сабраў, захаваў і навучыўся граць ад дзядоў, а цяпер дзеліцца
сваім скарбам з намі.
Вялікі дзякуй Ірыне Мазюк, якая паказала мне прыгажосць роднага спеву, дала першыя урокі і шчодра
падзялілася запісамі з уласнай калекцыі.
Вялікі дзякуй Лук`янцаву Алегу, які ў свой час паверыў у нас.
Вялікі дзякуй Скрыпку Антосю, каторы зрабіў гэты сайт і, як я спадзяюся, будзе яго і на далей падтрымліваць.
Ну, і проста вялікі дзякуй майму куму, Васілю Грыню, за тое, што ён ёсць.
З шчырай павагай,
Алесь Жукоўскі.
|
 |
23 жніўня 2010 г.
Гэтым летам творчасць нашага гурта была ацэнена расійскімі рэжысёрамі.
Фотаздымкі з кінапляцоўкі з удзелам гурта Рада глядзіце тут >>>
|
 |
16 жніўня 2010 г.
Гурт “Рада” узяў удзел у фотасэсіі, арганізаванай фотамайстрамі Аляксандрам Кавалеравым і Юрыям Ярошавым. Фотасэсія прайшла на хутары Барок.
Лепшыя фотаздымкі глядзіце тут >>>
|
 |
7 снежня 2009 г.
5-6 снежня 2009. Удзел гурта “Рада” ў чарговым фестывалі Пастушай музыкі ў г. Цеханавец (Польшча).
Фота глядзі тут >>>
|
 |
10 лістапада 2009 г.
У кастрычніку 2009 года наш гурт зладзіў уласную этнаграфічную экспедыцыю на Палессе.
Тры незабыўных дні мы правялі ў падарожжах, знаёмствах і спевах. Намі запісана больш за 10 гадзін
каштоўнага матэрыялу, які зараз знаходзіцца ў апрацоўцы. Не ўпэўненыя, што мы знайшлі песьню,
якую ніхто не чуў з этнографаў, але не за гэтым мы ехалі. Мы ехалі за адчуваннем і сумесным
перажываннем праўдзівай і даўняй манеры спеву. Бязмежна ўдзячныя жыхарам вёскі Атвержычы (Столінскі р-н)
і Клятная (Пінскі р-н) за той скарб, якім яны падзяліліся. Усімі сіламі будзем старацца захаваць і
прапагандаваць у НЯЗМЕННАСЦІ тое што чулі і бачылі.
Фотаздымкі з экспедыцыі можна паглядзець тут >>>
|
 |
29 верасня 2009 г.
27 верасня 2009г. гурт “Рада” браў удзел у фестывале фальклёрных гуртоў, арганізаваны праз
Беластоцкі музей вёскі ў Польшчы. Пад час фестывалю выступіла шастнадцаць калектываў.
Наш гурт атрымаў дыплом першай ступені ў намінацыі “Капэлі”. Дыплом уручыў дырэктар Беластоцкага
музею вёскі, пан Артур Гавэл.
|
 |
7 верасня 2009 г.
4 верасня 2009г. гурт “Рада” зайграў на традыцыйным беларскім вяселлі ў Яўгена Білея і Кацярыны Дзядзюлі.
Вяселле гулялі ў вёсцы Нялідавічы пад Мінскам. Гурт “Рада” сардэчна зычыць сто гадоў маладой пары - Яўгену
і Кацярыне.
Прыгожыя фотаздымкі з вяселля можна паглядзець тут >>>
|
 |
6 сакавіка 2009 г.
5 сакавіка 2009 года этнагурт "RADA" быў адзначаны ганаровым знакам і грашовай прэміяй у намінацыі "Адданасць Беларускім традыцыям і культуры". Узнагароду перадаў асабіста Старшыня праўлення ААТ "Пріорбанк" Касцючэнка С.А. Асабіста гурт павіншаваў Гэрбэрт Стэпіч, старшыня Праўлення Райффайзэн Інтэрнэшнл Банк - Холдынг (Аўстрыя). Дадзенае мерапрыемства адбылося з нагоды 20-ігадовага юбілея ААТ "Пріорбанк".
Падзяка гурта "RADA" ПРІОРБАНКУ чытаць...
|
